بروكلين [ 3 ] ، ونيويورك [ 4 ] توقيع جيفري إبستاين چيفرى ادوارد ايپستين ( بالانجليزى : Jeffrey Epstein)؛(20 يناير 1953 – 10 اغسطس 2019) هو رجل اعمال وملياردير امريكى يهودى ومرتكب لجرائم جنسيه بحق الاطفال، ومغتصب متسلسل، و بيتاجر بالبشر، اشتهر فى البدايه بنجاحه فى مجال التمويل. ابتدى مسيرته المهنيه مدرس فى مدرسة دالتون (حيث وظفه دونالد بار رغم عدم حصوله على شهاده جامعيه). بعد فصله من مدرسة دالتون سنة 1976، دخل قطاع المصارف والتمويل، واشتغل فى مؤسسة بير ستيرنز فى ادوار متعدده، قبل ما يأسس شركته الخاصه. نجح ايپستين فى بناء دائره اجتماعيه من النخبه، وجذب ما يقلش عن الف فتاه قاصر ومراهقه وشابه، اتعرضو لعمليات اغتصاب متكرره و عنف جنسى على ايده هو وشركاؤه و جيلين ماكسويل كانت هى حبيبته و مشاركه فى جرائمه. [ 5 ] [ 6 ] [ 7 ] [ 8 ] [ 9 ] فى سنة 2005، فتحت بوليس بالم بيتش فى فلوريدا تحقيق مع ايپستين بعد ما وصلت احدى الامهات عن اعتدائه جنسيا على بنتها اللى عندها 14 سنه. وحدد المسؤولين الفيدراليين 36 فتاه، بعضهم مبتتجاوزش اعمارهم 14 سنه، زُعم ان ايپستين اعتدى عليهم جنسيا. اقر ايپستين بالذنب وادانته محكمة ولاية فلوريدا فى سنة 2008 بتهمة استغلال طفله فى البغاء والتحريض على ممارسته. لم يتم ادانته الا فى الجريمتين دول بس كجزء من صفقة اقرار بالذنب مثيره للجدل وافق عليها الكسندر اكوستا من وزارة العدل الامريكيه، وقضى فى السجن 13 شهر بس مع منحه اذن موسع بالخروج للعمل. اتقبض على ايپستين مره تانيه فى 6 يوليه 2019، بناء على تهم فيدراليه بتتعلق بالاتجار بالجنس مع قاصرات فى فلوريدا ونيو يورك. مات فى زنزانته فى 10 اغسطس 2019. وقررت باربرا سامبسون، الطبيبة الشرعية فى مدينة نيو يورك، ان وفاته كانت انتحار، و هو قرار اثار كلام واسع. عارض اختصاصى الطب الشرعى مايكل بادن الحكم ده، و كان فيه شكوك عامه كبيره حول السبب الحقيقى للوفاه، وده ادى الى ظهور نظريات المؤامره. فى يوليه 2025، اعلن مكتب التحقيقات الفيدراليه عن لقطات من كاميرات المراقبه لدعم الاستنتاج القائل بان ايپستين انتحر فى زنزانته. ولما اصدرت وزارة العدل اللقطات، تبين ان فيه حوالى دقيقتين و53 ثانيه مفقوده منها، كما وجد ان الفيديو خضع للتعديل رغم ادعاء المكتب بانه المقطع الاصلى الخام. بما ان وفاه ايپستين حالت دون امكانية توجيه تهم جنائيه ضده، فده خلى القاضى يسقط كل التهم فى 29 اغسطس 2019. ارتبط ايپستين بعلاقه دامت عقود مع جيسلين ماكسويل، اللى كانت بتجند الفتيات الصغيرات لصالحه، وده ادى الى ادانتها سنة 2021 بتهم فيدراليه امريكيه بتتعلق بالاتجار بالجنس والتآمر لمساعدته فى استقطاب فتيات، من بينهم طفله عندها 14 سنه، للاعتداء الجنسى والدعاره. ووفقا لجورنال نيو يورك تايمز، كسب ايپستين جزء كبير من ثروته بتقديم خدمات الضرائب والعقارات للمليارديرات. كان معروف بشبكة علاقاته الاجتماعيه الواسعه، اللى ضمت رجال اعمال، وافراد من عائلات ملكيه، وسياسيين، واكاديميين. اثارت صداقاته مع شخصيات عامه، بمن فيهم دونالد ترامپ، واندرو مونتباتن ويندسور، وبيل كلينتون، وميتى ماريت (ولية عهد النرويج)، كلام كبير واظهرت الوثائق اللى اصدرتها الكتله الديمقراطيه فى مجلس النواب فى سبتمبر 2025 انه حافظ على صلات مع بيتر ثيل، وايلون ماسك، وبيل غيتس، ولارى سامرز، وستيف بانون. فى يناير 2026، تم الكشف عن كتير من ملفات ايپستين، واللى اظهرت اتصالات واسعه مع ايهود باراك، وستيف تيش، وميروسلاف لايتشاك، وهوارد لوتنيك، وكاثى رويملر، وبيتر ماندلسون، وكتير من الشخصيات البارزه الاخرى. اتولد چيفرى ايپستين فى 20 يناير 1953 فى حى بروكلين فى مدينة نيو يورك لاسره يهوديه. ابوه ووالدته اتجوزوا فى سنة 1952، قبل فتره صغيره من ولادته، اشتغلت والدته باولا كمساعده فى مدرسة و كانت ست بيت اما ابوه سيمور، فكان بيشتغل بستانى ومشرف على المساحات الخضراء عند ادارة الحدائق والترفيه فى مدينة نيو يورك. التحق ايپستين بالمدارس العامه فى المنطقه، وبدأ فى مدرسة بى اس 188، بعدها نقل الى مدرسة مارك توين الاعدادية، و فى سنة 1967 دخل ايپستين بالبرنامج الصيفى الوطنى للمزيكا فى مركز انترلوكن للفنون. كان ايپستين ابتدا العزف على البيانو و هو عنده خمس سنين، واعتبره اصدقاؤه موهوب فى المزيكا. تخرج فى سنة 1969 من مدرسة لافاييت الثانوية عن عمر 16 سنه، بعد ما قفز صفين دراسيين. فى نفس السنه دخل دورات رياضيات متقدمه فى كلية كوبر يونيون، قبل ما يغير المؤسسه التعليميه اللى بيدرس فيها فى سنة 1971. وبدءا من سبتمبر 1971، دخل معهد كورانت لعلوم الرياضيات فى جامعة نيو يورك، حيث درس الفيزيولوجيا الرياضيه، لكنه غادر فى يونيه 1974 من غير ما ياخد شهاده. المسيرة المهنية بدأ چيفرى ايپستين مسيرته المهنيه سنة 1974 مدرس للفيزياء والرياضيات فى مدرسة دالتون بنيو يورك رغم عدم امتلاكه شهاده جامعيه، وتعرض بعد كده لشهادات تتهمه بسلوك غير لائق تجاه طالبات، قبل ما يتفصل سنة 1976 بسبب ضعف الاداء، وبعدها اخد وظيفه فى بنك بير ستيرنز وبعدها اترقا بسرعه لحد ما بقى شريك محدود سنة 1980 وبعدها غادر سنة 1981 بسبب مخالفه تنظيميه. اسس بعدها شركة استشارات ماليه ادعى من خلالها استعادة اموال لعملاء اغنياء والعمل ساعات مع جهات حكوميه او مخابراتيه، وتعامل مع شخصيات بارزة زى عدنان خاشقجى. اشتغل بعد كده مستشار فى شركة تاورز فاينانشل المتورطه فى مخطط بونزى اللى انهارت سنة 1993 ورغم كده لم توجيه اتهام رسمى لچيفرى ايپستين، و فى الوقت نفسه اسس شركة لادارة اموال الاغنياء كان ابرز عملائها ليزلى ويكسنر اللى منحه صلاحيات واسعه لادارة ثروته ومشاريعه، وده مكن ايپستين من تحقيق ارباح كبيره ونقل شركته الى جزر العذراء لتقليل الضرائب. كما شارك فى محاولات استثمار اعلاميه وتمويل مجلات، وتراس شركة ليكويد فندينج اللى طورت ادوات ماليه معقده فى سوق الريبو، وهى ادوات ساهم انهيارها بعد كده فى ازمة بير ستيرنز والازمه الماليه العالميه سنة 2008. فضائح چيفرى ايپستين فضائح چيفرى ايپستين هى تعتبر من اخطر القضايا الجنائيه اللى هزت الرأى العام فى العالم كله فى السنين اللى فاتت، وده بسبب اللى فيها من استغلال جنسى للقاصرات، واتجار بالبشر، وشبهات تستر و تواطؤ مع ناس ليها نفوذ فى السياسه والاقتصاد و المجتمع. ورغم ان چيفرى ايپستين مات سنة 2019، الا ان قضيته لسه موجوده بقوه، وكل شويه تطلع وثائق وتحقيقات جديده. جزيرة چيفرى ايپستين چيفرى ايپستين كان مالك جزيره خاصه اسمها ليتل سانت جيمس اللى هى جزء من جزر العذراء الامريكيه الموجوده فى البحر الكريبى والاعلام سماها بعد كده جزيرة الاثام. [ 10 ] وكمان كان بيستخدم طياره خاصه اتشهرت باسم لوليتا اكسبريس واتقال انها استخدمت فى نقل الضحايا ومعاهم شخصيات معروفه. سجلات الرحلات بقت بعد كده جزء اساسى من التحقيقات والوثائق القضائيه. فى 10 اغسطس 2019 لقوا ايپستين ميت جوا زنزانته فى مركز متروبوليتان الاصلاحى فى نيو يورك، بعد ما كان محتجز ومستنى محاكمته اللى كانت بعد ايام بتهم الاتجار الجنسى. اعلنت الطبيبه الشرعيه فى مدينة نيو يورك ان سبب الوفاه هو الانتحار شنقا، لكن القرار ده اثار كلام واسع وشكوك عامه. اشار تقرير بعد كده لوزارة العدل الى وجود اهمال وسوء سلوك من موظفين السجن ليله الوفاه، زى عدم اجراء التفتيش الدورى، ونوم حراس السجن، وتعطل كاميرات المراقبه، وتزوير سجلات التفقد. اظهر تشريح الجثه كسور متعدده فى عظام الرقبه، بما فيها العظمه اللاميه وهى اصابات ممكن تحصل فى حالات الشنق، لكن اكثر شيوعا فى حالات الخنق، وده دفع بعض الخبراء الى التشكيك فى كون الوفاه انتحار وانه اتقتل. بعد الانتهاء من تشريح الجثة، بتسلم اخوه مارك جثمان چيفرى ايپستين. فى الخامس من سبتمبر سنة 2019، ورى الثرى فى قبر غير مميز بمحاذاة قبرى والديه فى مقبرة آى. جى. موريس ستار اوف ديفيد فى مدينة بالم بيتش بولاية فلوريدا. جرى ازالة اسماء والديه من شاهدة القبر عشان تجنب تعرض القبور للتخريب. فى يوليه 2025 اتنشرت لقطات كاميرات مراقبه لدعم فرضية الانتحار، لكن تبين ان فيه دقائق مفقوده و تعديل فى الفيديو، وده رجع الجدل حول السبب الحقيقى للوفاه. فى الثقافة العامة بقت وفاة چيفرى ايپستين موضوع مثير للجدل والنقاش العام، حيث انتشرت مزاعم بانها مكنتش انتحار لكن جريمة قتل، وتحولت الفكره دى الى ميمز منتشر عبر الانترنت. عملت شبكة اتش بى اوه على انتاج سلسله محدوده بتتناول حياة ايپستين ووفاته، باخراج وانتاج تنفيذى من آدم مكاى. كما طورت شركة سونى بيكتشرز تيليفجن سلسله قصيره اخرى مستوحاه من حياته. فى الحلقه الختاميه للموسم الرابع من مسلسل ذا غود فايت اللى بيتعرض على شبكة CBS، كانت وفاة ايپستين محور الحبكه الدراميه. فى مايو 2020، اتعرض على منصة نتفليكس المسلسل التسجيلى چيفرى ايپستين: ثرى وفاسد، و فى اغسطس من نفس السنه، بثت قناة لايف تايم فيلم تسجيلى بعنوان النجاه من چيفرى ايپستين، اللى بيتناول شهادات عدد من الضحايا. وفى الاول من يوليه 2020، وضع تمثال ساخر لايپستين قدام مبنى بلدية البوكيركى بولاية نيومكسيكو، كنوع من التعليق السياسى الساخر على الجدل حول ازالة تماثيل قادة الكونفدراليه. كما ظهر مقطع مصور لترامب وايپستين فى حفلة اتعملت سنة 1992 فى منتجع مارالاغو ضمن احداث فيلم التريقه فيلم بورات اللاحق الصادر فى سنة 2020، حيث اُوحى لبورات فى الفيلم بفكرة اهداء بنته المراهقه لاحد المقربين من ترامب، فاختار فى البدايه مايك بنس، و بعد كده اختار رودى جوليانى. فى جزء آخر من الفيلم، بيغير احد ابناء بورات اسمه الى چيفرى ايپستين. جزيرة ليتل سانت جيمس جيفرى ابستين – صور وتسجيلات صوتيه و مرئيه على ويكيميديا كومونز جيفرى ابستين على موقع كيورا - Quora جيفرى ابستين معرف مخطط فريبيس للمعارف الحره جيفرى ابستين معرف ملف المرجع للتحكم بالسلطه فى WorldCat جيفرى ابستين معرف النظام الجامعى للتوثيق جيفرى ابستين المعرف المعيارى الدولى للاسماء جيفرى ابستين فايند اجريف جيفرى ابستين معرف ميتاكريتيك جيفرى ابستين معرف اسماء مركز البحوث المشترخ جيفرى ابستين معرف اسم فى مكتبه الكسندر تيرنبول ↑ وصلة : no2016132627 — تاريخ الاطلاع: 7 اغسطس 2021 — الناشر: مكتبة الكونجرس الأمريكى 1 2 مُعرِّف كيان لدى مركز المكتبة الرقمية على الإنترنت (WC Entities): https://id.oclc.org/worldcat/entity/E39PBJwD4GBTgCtDJrymTwXTpP — تاريخ الاطلاع: 1 مارس 2026 — العنوان : WorldCat Entities — الناشر: مركز المكتبه الرقميه على الانترنت — الرخصة: رخصة المشاع الإبداعي العامة الملزمة بنسب العمل لمؤلفه وعدم الاستخدام التجاري 2.0 ↑ مُعرِّف الملف الاستنادي المُتكامِل (GND): https://d-nb.info/gnd/119275476X — تاريخ الاطلاع: 9 يناير 2024 1 2 معرف الضبط الاستنادى فى قاعدة االبيانات الوطنيه التشيكيه (NLCR AUT): https://aleph.nkp.cz/F/?func=find-c&local_base=aut&ccl_term=ica=ola20261294580 — تاريخ الاطلاع: 19 ابريل 2026 ↑ "من هو چيفرى ايپستين الملياردير بالعلاقات النافذة المدان باعتداءات جنسية؟" . ↑ "قضية ايپستين.. شبكة للدعارة بالقاصرات تورط فيها ساسة واثرياء" . ↑ "اسماء تهز العالم.. شخصيات بارزة فى وثائق چيفرى ايپستين" . ↑ "چيفرى ايپستين.. الملياردير الغامض الذى هز امريكا بفضائحه وحول الاصدقاء الى اعداء!" . ↑ "كيف بنى چيفرى ايپستين امبراطوريته المالية؟" . ↑ "Where is Jeffrey Epstein's island — and what reportedly happened on Little St. James ?" . صور و ملفات صوتيه من كومنز لم يتم العثور على روابط لمواقع التواصل الاجتماعي. الاسم المعيارى الدولى (ISNI)

ملف الضبط الاستنادى الافتراضى الدولى (VIAF) الملف الاستنادى المتكامل (GND) المعرف متعدد الاوجه لمصطلح الموضوع (FAST) مركز المكتبه الرقميه على الانترنت (WC Entities) مكتبة الكونجرس (LCNAF) مكتبة البرلمان القومى اليابانى (NDL) المكتبه القوميه الاوستراليه (NLA) الضبط الاستنادى فى قاعدة البيانات الوطنيه التشيكيه (NLCR AUT) المكنز الوطنى للمؤلفين (NTA) نظام الضبط الاستنادى النرويجى (BIBSYS) المكتبه القوميه فى بولندا (NLP) المكتبه القوميه فى اسرائيل (J9U) نفائس المكتبه القوميه الاوستراليه (NLA Trove) النظام الجامعى للتوثيق (IdRef) مقالات تحتوى نصا بالانجليزية مواليد 20 يناير مواليد في بروكلين مواليد فى نيو يورك مقالات تحتوى نصا بالعربية مصرفي الاستثمار Human trafficker اصحاب بزنس امريكيين صفحات بها أخطاء في البرنامج النصي صفحات تستخدم خاصية P244 صفحات بها بيانات ويكي بيانات صفحات فيها داتا ويكيداتا صفحات ويكيداتا محتاجه تسميه مصريه غلط فى قوالب ويكى بيانات صفحات فيها مراجع ويكيداتا صفحات تستخدم خاصية P569 صفحات تستخدم خاصية P19 صفحات تستخدم خاصية P570 صفحات تستخدم خاصية P20 صفحات تستخدم خاصية P119 صفحات تستخدم خاصية P551 صفحات تستخدم خاصية P27 صفحات تستخدم خاصية P140 صفحات تستخدم خاصية P451 خطأ في قوالب ويكي بيانات صفحات تستخدم خاصية P1412 صفحات تستخدم خاصية P109 صفحات تستخدم خاصية P2096 صفحات تستخدم خاصية P345 صيانة الاستشهاد: استشهادات بمسارات غير مؤرشفة مقالات تستعمل روابط ببيانات من ويكى داتا مقالات تستعمل روابط ب P373 من بيانات محليه مع وجود ويكى داتا صفحات تستخدم خاصيه P3417 صفحات تستخدم خاصيه P646 صفحات تستخدم خاصيه P2163 صفحات تستخدم خاصيه P269 صفحات تستخدم خاصيه P213 صفحات تستخدم خاصيه P535 صفحات تستخدم خاصيه P1712 صفحات تستخدم خاصيه P6640 صفحات تستخدم خاصيه P6683